वीरगञ्ज, १४ मंसिर : वीरगञ्जस्थित ठाकुरराम बहुमुखी क्याम्पसमा कर्मचारीहरू व्यक्तिगत पूर्वाग्रहका आधारमा सरुवा गरिएको भन्दै आन्दोलनमा उत्रिएका छन्। त्रिभुवन विश्वविद्यालय कर्मचारी संघ, ठाकुरराम इकाईले क्याम्पस प्रशासनविरुद्ध तालाबन्दी गरेको छ।
कर्मचारी संघका ठाकुरराम इकाई अध्यक्ष किशोरी चौधरीका अनुसार, क्याम्पस प्रशासनले बुधन मुखिया नामक कर्मचारीलाई पटक(पटक विभिन्न शाखामा स्थानान्तरण गर्दै अन्याय गरेको छ। पछिल्लो पटक उनलाई सिराहा क्याम्पसमा सरुवा गरिएपछि कर्मचारीहरू आन्दोलित भएका हुन्। कर्मचारीहरूले क्याम्पस प्रमुख, लेखा, प्रशासन, आईटी, स्टोर, परीक्षा शाखालगायतका कार्यालयहरूमा तालाबन्दी गरेका छन्।
अन्यायपूर्ण सरुवास् कर्मचारीहरूको दाबी अनुसार, बुधन मुखियालाई व्यक्तिगत रिसिइबीका कारण पटक–पटक सरुवा गरिएको छ।
पदावधि नपुग्दै सरुवास् मुखियालाई २०७९ साउन १९ मा त्रिचन्द्र क्याम्पसमा नियुक्त भएको एक महिनाभित्रै ठाकुरराम क्याम्पसमा काजमा खटाइएको थियो। त्यसपछि उनलाई पटक–पटक सरुवा गरिएको छ।
ठाकुरराम क्याम्पसमा कर्मचारी अभाव हुँदाहुँदै मुखियालाई सिराहा सरुवा गर्नु उचित नभएको कर्मचारी संघको भनाइ छ।
कर्मचारीहरूको आन्दोलनका कारण क्याम्पसको प्रशासनिक कामकाज ठप्प भएको छ।
कर्मचारीहरूले सरुवा प्रक्रिया पुनरावलोकन गर्न र अन्यायपूर्ण निर्णय सच्याउन प्रशासनलाई चेतावनी दिएका छन्।
यस घटनाले शैक्षिक संस्थामा हुने अनियमितता र कर्मचारीहरूमाथि हुने अन्यायलाई उजागर गरेको छ। यसले शैक्षिक वातावरणलाई प्रतिकूल असर पार्नुका साथै विद्यार्थीहरूको अध्ययनमा पनि बाधा पुग्न सक्छ।